ANNARI VILJOEN van die Hoërskool Fichardtpark het die afgelope naweek in die Vrystaatse geslote pluimbalkampioenskap by Fichardtpark-sportklub se bane 'n driekuns behaal, terwyl haar broer Wiaan die nuwe mans-enkelspelkampioen is.

Annari het gewys dat sy tans in die vroue-enkelspel geen kompetisie in die Vrystaat het nie. In die vroue-dubbelspel het sy saam met Liansa Coetzee en in die gemengde dubbelspel saam met Chris Dednam die ander titels ook ingepalm. Wiaan het verras deur beide Chris Dednam (eerste gekeur) en Roelf Dednam (tweede) om die enkelspeltitel te klop. Hy het getoon dat sy onlangse twee maande lange oefenkamp by die Internasionale Pluimbalfederasie se oefensentrum in Duitsland hom nie net topfiks gemaak het nie, maar dat hy ook een of twee aanvallende houe by sy arsenaal gevoeg het. Viljoen en Maritsa Strauss het in die gemengde dubbelspel ook verras deur Johan Kleingeld en Liansa Coetzee uit te skakel.

Die Dednam-broers het die mans-dubbelspeltitel sonder veel teenstand verower, skaars 'n dag na hul daglange lugreis vanaf Kalifornië waar hulle aan die wêreldkampioenskap deelgeneem het.

Die Vrystaatse keurders het na die toernooi die span bekend gemaak wat die provinsie tydens die Melvillbekertoernooi in Oktober in Pretoria gaan
verteenwoordig:
Annari Viljoen (Fichardtpark), Liansa Coetzee (UV), Sonè Strauss (UV), Francis Gray (Fichardtpark), Maritsa Strauss (UV); Chris Dednam (UV; kaptein), Roelof Dednam (UV), Wiaan Viljoen (Fichardtpark), Kabous Marx (Weermag), Herbert Miles (Weermag; bestuurder).

Uitslae van halfeind- en eindrondes van Vrystaatse geslote
pluimbalkampioenskap:
vroue-enkelspel: Annari Viljoen (Fichardtpark; 1) k Maritsa Strauss (UV) 11-3, 11-1; Sonè Strauss (UV; 2) k Liansa Coetzee (UV) 11-5, 11-9; Viljoen k Strauss 11-2, 11-2;
mans-enkelspel: Chris Dednam (UV; 1) k Johan Kleingeld (Weermag) 15-11, 15-8; Wiaan Viljoen (Fichardtpark) k Roelof Dednam (UV; 2) 12-15, 15-9, 15-4; Viljoen k Dednam 15-12, 3-15, 15-10;
vroue-dubbelspel: Annari Viljoen (Fichardtpark)/Liansa Coetzee (UV; 1) k Lizl van Rensburg (UV)/Dorothy Bezuidenhout (Weermag) 15-5, 15-2; Maritsa en Sonè Strauss (UV; 2) k Engela Dednam (Fichardtpark)/Gerda Thiebaut
(Ficksburg) 15-10, 15-3; Viljoen/Coetzee k Strauss/Strauss 15-12, 11-15, 15-5;
mans-dubbelspel: Chris en Roelof Dednam (UV; 1) k Abrie van der Merwe (Fichardtpark)/Danie Schoonraad (Hertzogville) 15-2, 15-2; Johan Kleingeld/Kabous Marx (Weermag; 2) k Wiaan Viljoen (Fichardtpark)/Raymond Ronne (UV) 17-16, 15-13; Dednam/Dednam k Kleingeld/Marx 15-3, 15-13; gemengde dubbelspel: Chris Dednam (UV)/Annari Viljoen (Fichardtpark; 1) k Herbert Miles (Weermag)/Engela Dednam (Fichardtpark) 15-9, 15-8; Wiaan Viljoen (Fichardtpark)/Maritsa Strauss (UV) k Johan Kleingeld (Weermag)/Liansa Coetzee (UV; 2) 15-11, 15-6; Dednam/Viljoen k Viljoen/Strauss 15-12, 15-11.